Łódź17
lutego
Łódź 17-18 lutego Wielka Łódka 2007 — Zima
Katowice 3
marca
Katowice 3 marca Hanysowe scrabblowanie
Szczecin10
marca
Szczecin 10-11 marca IX Mistrzostwa Szczecina „Zanim Zakwitną Magnolie”Grand Prix 2007
Hanysowe scrabblowanie03 marca 2007 — Hanysowe scrabblowanieInformacjeRelacja
galeria

Hanysowe scrabblowanieKatowice, 03 marca 2007
turniej nierankingowy

Konkurs Relacja z turnieju


Hanysowe scrabblowanieWitejcie dzioułchy i synki! No toć, musicie mieć pierziński żol, żeście do nos nie przyjechali na "Hanysowe kryklanie". A boło się czemu dziwować — sam była szpica tych, co poredzom godać po naszymu. Cołko naszo czelodka liczyła dwajścia dwu ludzi. Coby się fajnie grało, to młode frelki robióły nom sznity, tyj i co jeszcze... W połewie turnieju pierwszym placem asiła sie Grażyna Puton, a zara za niom był jej chop — Darek. W piontyj rundzie trefili sie na pirwszym stole, i to Darek mioł wiynksze szczynście do literek w pytliku. Tak mu żarło, że aż mioł pinć szkrabów, a małych punktów poł tysioka i jedyn. Na tyn czos pierwszy sie stoł Andrzej Rechowicz, ale żeby mieć wiktoryjo musioł wygrać z Januszem Krupińskim. No i tu mioł pech, a Januszowi sie darzyło, dostał takiego szwungu, że wygroł calutkie zawody. Andrzej łostoł sie drugi, a Darek Puton trzeci. Najdroższe ślonskie słowo — za kiere była osobna nagroda — najpierw my myśleli, że bydzie mioł Jurek Luter, kiery postawił na stole "halba" (no ja, przeca chop w pewnym wieku już ino to mo na myśli). No, ale potym mody karlus Mateusz Gruszka ułożył premijum "werkami" i myśleli my wszyscy, że jest szlus. Ale na som koniec Agnieszka Michalak wyłożyła "hanysie" i w tyn sposób w tyj kategoryji wszyscy inni dostali od niej po zadku. I to co żech napisoł, to jest cołko prowda o tym, co sie łodbyło u nos, w Katowicach Kostuchnie, we ostatnio sobota, trzeciego marca tygo roku...
Łostońcie zdrowi.
relacja: Matyjas Śliwa




SCRABBLE® jest zastrzeżonym znakiem towarowym J.W. Spears & Sons    |     © Prawa autorskie